|
|
 |
|||||||||
|
هادا برعاية فيصل كركوش
 الغــــربــة ســـافــــرت فــــالغــــربــة طــــوّال
وغــلبني وحـــــش أهلي ونــــاسي
قصــدت أو قــــلت نجيـــب المــــال
نمتّن بيـــه ســــاسي ونرفــد راسي
ة ســـافــــرت فــــالغــــربــة طــــوّال وغــلبني وحـــــش أهلي ونــــاسي
قصــدت أو قــــلت نجيـــب المــــال نمتّن بيـــه ســــاسي ونرفــد راسي
قعدت عوام مغموم في واحد الـحال قلـت نرجع للبلاد يـاك زادواهواسي
قصدت مـــول الشّي وقلتلو شــحال رفدتحوايجي ملرضوحطيــت فاسي
فالحقيــــقة غلــــبني وحش الغـزال الّي كيــــفي أكـــيد راه علّيا يقــاسي
نولّي لحــــبيــــــبي عليـــــه نــسال لا يحسب نسيتو ومنو قطعت يـاسي
جـــابلي برّيتـــو واحـــــد جـــــوال قالي بنت الدوار راي عليك تسقسي
قـــالتـــلك اهـــبط فـــاقرب الآجـــال راي صابتهاعلّةيا خويا وما تحصي
ركّبت وهبطت مالمركب فبلادي جوال قاصد بيـــت لحباب ومــــاني ناسي
قطعت الويـــــدان لغيّـــب والجـــبال رايح ليها وهي قريبة ساكنة راسي
لحقــــت للــــــــدّار لقـــــــيت رجال قاعدين عند الباب مستّفيــن كراسي
لتّم قلبي كلمّني وزاد عليـــــه الحال وكلّي حــــاجـــة ضربتني في راسي
قريت الســــــــلام على دوك الرّجال زربت وسكتت ومـا بغيتش نسقسي
نطــــــق كبيــــــرهـــم ليــــا وقــال أتفضل يا شــــاب واش راك تواسي
باين غريــــــب تـــــــايه بيـك الحال الليلة نعرضــــوك وعنـــــدنا تمسي
تبــــــات عنـــــدنا وتـــــــذوق الفال ويـــــــا لوكــــــان مغيرفة كسكسي
قلتـــــلو يا شيخ انـــــــا مـــــــالاهل جيــــــت اليــــوم انشـــــوف ناسي
راني خـــاطب منــــــا بالـــــــــحلال نشـــــالله برك يكـــــذبني إحساسي
ماتقـــــــوليش بــــــــــرك بلي امال قالــــــلي ولــــــدي ماكاله تســقسي
هـــــي المــــــوت قضـــــــاء وآجال والي يكــــره المـــوت غير العاصي
لبكـــــــا فــــــالموت اصــــــلو جهل والموت ماتنساكش لاانت راك ناسي
وهي بيـــــد ربي علـــــى كــــل حال وسّع قلبــــــــك لا تكون عليه قاسي
سالت دمعة من عيني وبكـيت شحال مكتــوبي يا الدنيا على قلبي تعفسي
ماكان عندي فيك من غيرهـذ الغـزال ادّيـــتيـــــه وكأنك بالناّس ما تحسّي
مشيــــت ما تلّــــــفت يمين لا شمال ناس يشوفو فيا ما قدرت نرفد راسي
ما ندور ما نحوّس ولو يريبو لجبال ماتت ومبقاتلي حاجة فيك ادنيا اخلاصي
عمـــري ولا حسبــــت وشكـون قال تموت اجمــــل وردة حطيتها فكاسي
وردة شــــابة تحت التـــــراب تذبال وتخليني فهاذ الدنيا وحدي نقــــاسي
واش اديت تبعتـــــها و فيــــــها شدّيت تلقـــــت ديني و عصيت ربي وملـــي تبعتها واش ادّيت من غير همي حزني وعذابي تبعتـــــها و فيــــــها شدّيت تلقـــــت ديني و عصيت ربي
وملـــي تبعتها واش ادّيت من غير همي حزني وعذابي حصرا معاها مدى عدّيـــت ضيّعت عمري صغري وشبابي شحال وقــات معاها قضيت و باقي دايمن مــــاشي فلعبي ومن بعد زعما كلي بديت نكبر ونفيق وندير حسابي شحال مكتاب و كتاب قريـت بصح عمري ماقريت كتابي عمري حسبت ولا دريـت واش ادّيــــت لتحــت ترابي من هاذ الدنيا الـــي حبّيت وكـــان متعلق بيـــــــها قلبي يادرا منــــــها واش ادّيت ويادرا حتــى تستهــــل حبي ولا كنــــت غيـــــر شدّيت فخيط راشــي و كـلشي مربي يا الاهـــــي انا الـي فنيت عمــري كـــــــامل عاصي ربي لعبت وزهيت وشحال مدّيت وفاللخّـــــر هكذا كان جـــوابي تعبت او طحت و تهدّيت سماط قوتي وسماط شرابي سماطت الدنيا ودرك خديت الدرس اللخر و غلقت كتابي غسلت طرافـي و توضّيت رفــــدت كتابي حطيتو جنبي وقعدت غيروحدي في بيت نقلب و نقرى فذنوبي وعيوبي حصراه شحال وشحال عدّيت نشفــــى ملــــي كنــت صـبي كيفاش كبر ت وكي تربّيت وكيــــف قضيــــت عـز شبابي كنت صحيح او ما صلّيت وليوم خلاص فشلوا ركايبي كنت قــــادر ومــا قضيت دين صيــامي وديـــــن جيوبي سمعت الحـــج او ما لبّيت بصـــــح للزهــو كنـــت نلبّي طريق الحق عنو صدّيت بقلب حديـــــد عصيـــــتك ربي وليوم رشيت و تصدّيت ولهاد الساعة ما درتش حسابي ـــــني وبيــــنك سيـــدي ربيلفيصل كرشوش ج يـــــــت في ستـــرك وتخبّيت عســى انـــت الي تســـتر عيــبي
آخر تحديثوكل ذنــــوبي ومــــــــــا عبّيت فـــوق ضهري َ ضاهر ومخـــبي مهــاد الدنيا انــــا عييــــــــت ودركــا خلاص دخل من بابي ملاك الموت وليـــك ناديـــــت ربـــي لا تخــــيــب طـــلبــــي طحت فحكمك انـــا ورضيـــت ارحمني برك وارحـــم قلبـــي ياالي كتبت كلشـــي وقضـيت وكتبت الرحمةعلىنفسك ربي جيتك غير وحدي في بيــــت مـــــا كـان أمــي ولا أبــــــي مــا كــان ولادي الــي ربّيـت مـاكان خــاوتي ولا صحـابي مــاكان زوجتي الــي حبّيــت مـــاكان اهلي ولا نســــابي مـــاكان مالــي الي خبّيـــــت واحد مـــا لقيـــــتو جنبـــــــي غـــــيرك انـــت ايلا حبّيــــت ترحمــنـــــــــــي وترحم قلبي وكل ذنوبـــــي ومــا عبّيــت فـوق ظهري بـــاين ومخبّي راهــم دخلـــوا اهـلي للبيــت لقـاوني خلاص فحكمك ربـّـي آخـــــر بلاء بيــــه اتبليــــت شهدّت بربـّي وبالنبـّي لعربـي سلّمـــــت عليــه او صلّيـــت بلســـاني و حتـــــى بقـلبــــي حسيــــت من روحي تشّـديـت وكلي راهـــا خارجـة مصـلبي شدّيــــت شدّيـــت وتحدّيـــت واهلي يشربولـي فـشرابـــــي شربولـي عــــــاودت ردّيــت وكـلشـي دار عــلـى قلبــــــــي قبلت الحق او بيـه رضيــت راها لحــــقت سـاعت غيـابي شفت الرّوح طــالعة ودريــت راهــا رايـــحة تقــــابل ربــّي رفدت عيني معــــاها وبقيــت نسمـع فـي نـواح و بكا جنبي زادلي عذاب وقــلت يـا ريــت يترّحمـو خير ينقسّــو عذابـي جابولي الطبيب ومـــا ضنّيت راح ليـــــوم ينفعنــي طبيــبي انـــا متت خـــــلاص وفنيــت كلشي فانـــي ويبقــــا ربــــّـي حطّونـــي وحــــدي وتخبيّـت وجابو اللواح حطــّـوهم قربي ودخل المغسل عندي للبّيـــت فردني وحدي ونزعلي ثيابــي غير الما ومـــا كان حديــــث غسّلني تلاثة ودعــــالي ربّي جيـــبو لكفّن يا اهل البيـــــت ولبّسني ثياب ماهمش ثيابي كفنـّــــوني و هكـــذاك بقيـت وبداو يلّحقــو اهلي وقرابـي جيرانــي الي معــاهم عدّيـت وقاتي وكامل اهلي وصحابي اعلى دهـــــورهــم تعبّيــــت صندوق حطــب هو مركبـــي خــارج رايــــــــح او خلّيت كلشي ورايـــا وانـــا معّبــي غيــــر بغعلـــــي الي خديت كــــان ايجــــابي ولا سلبـــــي رايـــــح كرهــــت ولا حبّيت لــوكان ماللــول درت حسـابي منك يـــا الدنيا واش ادّيـــت ياالـــي كنتــــي علـــيا تكذبــي من بعــد لتـّـم كلــي حيــّـيت لمــــا حطوني فبيـــــت ربـّــي صلاّوالجنازة وشحال حبّيت لما دعاولي الناس في غيابـي كمّلــو سلّمــو ولتما دريــت بلـــي ما بقـــالي غيــر ترابــي ومـــاهوش هــدا أخر بيــت مــــزّال لقصيــــد راه مخبّــــي فيصل كرشوش قال خلّيــت حكـــــــايت لقبر مخبيا فكتاب الظلمـة لله واش حكايتي معاك نتي يا الظلمـة
علاش راكي ساكتة عليا وضاربة النح
لله جـاوبيني و قــــولي غـير كلمــــــة
مـــاتخبيش عليا وقـــولي قـاع الصــح
واش حكايتي معاك نتي يا الظلمـة
واش الي راه جايني عارف راكي عالمة عارف قلبي تنجرح ومزال يزيد يتنجرح
ماتخبيش عليا صــــارحيني يا الظلمة احكي ما تخافيش انا نحب الي يصارح
علاش الناس بالنعاس درك راها نايمة وانايا تصــهريني حــــتى يطلع الصبح
شفتي حياتي كيفك راها رايـحة ظلمة على هاذي درتيني صــاحب تاع الصح
عليــــها حبيــــتيني كثر من بويا واما على خاطر ما ربحت ولاطل عليا الربح
وعارف رايحا تقـولي رايح نبقى ديما قليـــــل يـــا لوكــان انطيـــر ونجـــنح
انا راه صاريلي كيف هــــاذيك لحمامة ملــــي يطلـع الصبح من سطح لسطح
من بيـرو لبيرو وكي تطيحي يا الظلمة انا تـــــــان نطيح ولتما معـــــاك نريح
حتى الضو يا الظلمـــة عادت مخدومة غير للي مرفه ديـــــما جيبــــو مفحفح
والشمعة اللخـــــرانية زادت فالسومة ولاة توقف معاك غير فـي وقت الفرح
في جوايه الدراهم جوايه هوما وهوما صحاب آرجى صاحبي مياتالف او برح
وباش توقف معايا كلي جاتها حشومة عـادت تحشم بيا وتــتــمشى بالصوالح
غست ورحت بعيد قــــــالتلي الظـــلمة قالتلي فيصل نوض ويــــن راك مروح
ماتبعدش بــــــزاف اقــــعد غيـــر لتما غير انـــــا ويــــاك او لمخدة والمطرح
عنقني انا والظلمـــــة راهـــــــي نعمة متاتشوف ما تمرض قلبك ما تـقول اح
وانايا نهار زدت الظلمــــة حسبتها يما غير خرجت للدنيا شفتها بديـــت انوح
شدتني و قالــــتلي ارواح عنـــد مامـا حطتني فصدرها وبــــدات فيــــا تدوح
شدتني ساعــــات حسبتـــها تبقى ديما ماحسبتش اتطل الشمس تـروح و فياتسمح
علاش تسمحــي فيا و علاش ياالظلمة تروحي وتخليـــني غيـــر فوقت الصح
خلي تطل الشمس غير عليهم هــــوما الشمس بالنسبة لي ماعــادتشي تصلح
نتي الي كبــــــرتيني وتربيــــت عمــا وفلـــي ربــــــاتني انا عمري ما نسمح
نتيـــــــا الظلمة نتيــــــــا هــــــي يما والفقر هو بــــويا خلالــي زوج نصايح
قالي فــــــالدنيا ...حاجة ماهي دايمـة كل حـــــــاجة فيــــها رايـحة تـــــروح
الحب و قلتلي بالله خويا وعلاه
ما تحاولش كاش ما تكتب
وتقولي برك وين نلقاه
يا للي سألتني عن الحب و قلتلي بالله خويا وعلاه
ما تحاولش كاش ما تكتب وتقولي برك وين نلقاه عييت نقلب شرق و غرب وين يقولولي نستناه لقيتو كامل كذب في كذب ما تلاقيتو ماعرفت معناه لا قريب و لا صاحب و لا حبيب نعيش معاه حياتي كامل و أنا نجرب واحد ما لقيتو يسواه مانيش فاهم هذا القلب و كأنه ضد مولاه يحب يشقى يحب يتعذب يحب الواحد لي ينساه و ساعات تلقاني نحب لي يكرهني نجري موراه و لي يحبني و ليا يقرب نهرب عليه مافهمتش علاه حاول خويا كاش ماتكتب الجواب راني نستناه راح نحاول باش نجاوب و ماراكش وحدك حاصل لله هو الحب هكذا يحب يجري و يطوع مولاه مايفيدوش معاه تجارب ما يفيد ملك و لا جاه شحال طوع من محارب و حسرة شحال من فارس بكاه و جيت لعندي أنا نجاوب و الله ماراني فاهم علاه راح نديرلك واش راك تطلب على ما نظن و العلم لله أنت قلبك راه مخرب و ما راكش عارف حتى وين راه دير في بالك هذاك الحب لي يهرب و أنت تجري موراه و لما يجري و أنت تهرب عمرك ماتقعد معاه على خاطر هذا لعب مديور للي يتبع هواه ما تنال منو غير التعب ديرو كيما خيالك و انساه فرغ قلبك و عاود رتب و خلي عقلك يخدم معاه و قبل ما تحب لازم تحسب باش كي تمدو تمدو لمولاه هيا نبداو من أول حب ….أول حب هو الله لي عطاك هذاك القلب لي راك تحوس باش تملاه و لوكان ليه تقرب أقرب منك رايح تلقاه ماشي كيما الحب لي يهرب و انت تبقى تجري موراه و بعده يجي ثاني حب هو حبيبنا و حبيب الله عليه الصلاة و السلام تعب باش وفرلك الدين تقراه حبو علي و عليك واجب سعدو المرء للي بغاه المرء يحشر مع من يحب تخيل روحك قاعد معاه و من بعد ثالث حب أنه الواحد يحب يماه تسع شهور و هو يتقلب و هي مسكينة تتقلب معاه سنين و سنين و هي تتعذب وين يطيح يلقاها حداه حتى نهار يولي شايب يبقى طفل في عيون يماه و من بعدها رابع حب أنو الواحد يحب باباه لأنه خرج من بين الصلب و الترائب لي جواه شحال شقا و شحال تعذب باش كبر و باش رباه دير في بالك كل ما تمد أنت و مالك ملك له و من بعد خامس حب هو الشريك لي تعيش معاه دير في بالك نهار تتحاسب نصف الدين هو تلقاه تعيش معاه بلي كتب و تتقاسمو كل شي نتا وياه و تتعاشرو و معاه تنجب طفل صغير لعقايب تلقاه و هذاك الطفل سادس حب ماتحبش ولد دون سواه سبعة داعب و سبعة أتعب و سبعة صاحب دور معاه و من بعد يجي سابع حب من رحم واحد نتا وياه خوك خوك لايغرك صاحب حتى الصاحب في الشدة تلقاه و من بعد الصاحب الأقارب و الجار لي تسكن حداه و من بعدهم تقدر تحب كل مومن في طريقك تلقاه و المريض لي راه يتعذب دقيقة واحدةاقسمها معاه طل عليه إذا كان تحب ربي سبحانه ثم تلقاه و اليتيم لي فقد الأب ولا حتى فقد يماه مسح على راسو و بدا تحسب في كل شعرة أجر تلقاه و الفقير للي ما كسب و لي ما لحق حتى قوت عشاه واش راك تاكل واش راك تشرب يالوكان خبزة اقسمها معاه و زيد و زيد و لوكان نحسب ما نيش رايح نحبس لله يا لي مبحر شرق و غرب و مخلي كلشي موراه و يا لي سألتني عن الحب بالنسبة لي هذا معناه و إذا ما عجبكش الله غالب روح تحوس وين تلقاه الخاتم لله مـاتلـــومنيش يا لخاتم
مـاجات منـي لا منـها هي
حنــا فراقنا كـان محــــتّم
مـكتـــوب عـليـــها وعلّـيا
لله مـاتلـــومنيش يا لخاتم مـاجات منـي لا منـها هي
احنــا فراقنا كـان محــــتّم مـكتـــوب عـليـــها وعلّـيا
ابقى غير فصبعـي دايــــم مـادمـت حـاجـة منـها هي
غيركي تشوف هكذا تفهم بلّـــي مزالها عزيزة عـليا
مازال نبغيها وربي عــالم ومـــزال هـــي فقلبي حية
وغير انت وحـدك يالخاتم الـــــي تقـــدر تشهــد عليا
انت الي كنت معـــايا دايم كنت فصبعي صبح وعشيا
خصارة لوكان جيت تتكلم تروح لعندها تحكيلها عليا
قوللها شحــال راني نتالم ومهاذ دموع اديلها شـويا
تحطهم فعينها بلاك تتعـلم تبكي وتفرغ هــــــم الدنيا
ماكنتش قاع فروحي نخمم نـــــفكر غيـــــــر فيها هي
كنـــــت نخدم وغير نخدم الليل والنـــهار تحاماو فيا
وين نصيب دورو نــزد م المهم الـــــــــخبزة حلالية
كنت نبنـــي نطــلّع ونهدّم فحســــــابات ماهمشي ليا
ولحكاية كامل كــــانت لتم فوالديها واش شرطو عليا
والله مانـي عليك يا لخاتم انت زدتك من عـندي هدية
شروط اخرين حبوهم تمتم وغير الحــــاجة الفــولانية
قبلت الشــرط كــان محتّم ومــا حسوا بيا غير والديا
بديت نجري بديـــت نلايم وبدات الدنـيا تضــــلم فيـــا
وانا عمري ما كنت ضالم نحب نــمشـــــي غير بالنية
قلت نخرجها بـــلاك تفهم تحس بعذابــــي وتحس بيا
ماكـــــانتش تحوس تفهم كـــــانت الطفــــلة زهوانية
اعلى الناس تحب تتـــكلّم غير مالجيـــهة الفوقــــانية
عندهــا الدنيا غير دراهم وما تهمهــــــاش اللخرانية
هي تضحك وانا تتبّســم وغير نغمض فــــــي عينيا
بــــاش الدمعة تقعـد تّم ومــــــاتهبطش قدامها هي
زادت قــــاتلي بلي لازم ما نسكّنهــــاش مـع والديا
مزيا كنت نعرف نـرسم التبســـــيمـــــات فـي عيـنيا
شحال مراسم دخـلنالهم تاكل وتشرب وتـعرض فـيا
ولاعمرها تحوس تفهم شحــــــال عنـــدي في يـديا
لتم بالذّات بديـــت نفهم بلي الدنيا شــــــــــافتـها فيا
هاذ الطفلة راهي تحـلم وحطــــت كل أحــــلامها فيا
بغات تعيش بغات تتنّعم خـــــــافـــت تعــــيش زواليا
المهم انـــا درت اللازم خدمت وشمّــــرت على يدّيا
حمدت الله صبرت يالخاتم بصح هـــــــي مرقتـها شويا
لتما شفت بلـــــي لازم تريقي ماهيش تريقـــها هي
لله ماتلومنيش يالخاتم مـاجات منــي لا منـــها هي
احنا فراقنا كان محـتّم مـكتـــوب عـليـــها وعـــلّـيا
حجرة في يدي هبطــــــــــت نقعد على شــط البحر
حكمتلي يا نـــــــاس نقعـد شـويا وحـدي
انحي على خاطري مع راسي نقسر
هكدا نقعد بعيد وين واحــد ما يجي عندي
هبطــــــــــت نقعد على شــط البحر حكمتلي يا نـــــــاس نقعـد شـويا وحـدي
انحي على خاطري مع راسي نقسر هكدا نقعد بعيد وين واحــد ما يجي عندي
نشوف فمواج لبحر ونرمي فلحجر وكل حجرة تردنــي قريــب عــام للماضي
نرمي حجرة بحجرة ما جبتـش خبر لحقت لواحد الحجرة شد يتها مليح فيدي
فكرتني في يــوم من يامــات الصغر كـــنت صغير صغير شــا فوتت يــا وعدي
تفكرت بلــي لازم نبكــي كــي نتفكر ديك لمعيـــشة لمرة تسيـــل الدمعة فخدي
ليــــالي لعــداب او أيــــام الــــــفقر نشفا كنت مريض والمشكل ماشي مرضـي
المشكــل اما الـي كـــــــانت تسهر وانا نقــــــــوللها امـــــا روحـــي ترقدي
وبويــــا الي كـــــان يدبـــر ويحبــر ويقــول نحمل كلشي على جـــــال ولاادي
كـــان دايق المر هكـــذاك او يصبـر مــايبغيش يبين ويقـــول للدمعة بعـــدي
وامــــا تــــانيت قـاسما معاه الضـر تقولـــــــو ملعنـــــدك وشويـــا ملــــعندي
نربو ولدنــا و غـدوة رايح يكـــبر يفرج عليـــــــــنا ويخلف ليــــــام هاذي
كنت كل ما نسمع امــا هكــدا تهــدر نحس كلي امانة حطتــــها فــــــي يـــدي
نقـــول لازم نكبر ولازم عليــا نقدر ندير واش مــــا دار بــــــويـــــا ولا جدي
وهوما يقولولي ولــدنا غير اصبر غدوة رايح تكبر وتديـــر هــادي وهــادي
وانــــا لاتــــي نحســــب غير فلعمر ونفـرح غــير نهـــار يلحــق عيـد ميلادي
نجي نطفي الشمعة والشمعة باغيا تهدر حــابة تقــولي حــاجة وهي بنـارها تقدي
حابة تقولي فيصل ماكش جايب خبر راني نبكـي عليـك شــــوف الدمعة فخدي
وانا جبت خبر.. المـــــهم اني نكبر درت لـحسـاب زوج مرات في يـــــــــدي
لقيت عشرين سنة وعـالم وحدوخر ماشـي كي لحســـاب الي درتو فالماضي
حسبت راني ماشي لقيت روحي موخر مــــافهمتش زهر هكذا زهــري وسعدي
ولا حقي انا راه عند وحــــــــدوخر ولا نتي يا الدنيا عدتـــي تنحــــي وتمدي
الناس تتقــاسم وانــا قــاعد اللـــخر نستنى ولا ....حيـــــاة لمـــــن تنـــــــادي
القلـــب تعمــــــر رحــت زعما نهدر مع ناس تقول نتاعهم هــاد الدنيا هادي
ناس مــا يحبــــوش الي جـايب خبر يحبو كيما يقولو تقـــول رانـــي راضي
تلعبـــــها تعـــــرف يحفـــــرولك قبر تولي حــــي او ميت غـــير جاي وغادي
كلمـــا تحوس تهــدر غير تزيد تعمر راسك بلهمـــــوم تولــي ماشـــي عادي
لتما دمعت عيني وبد يــــــت نتفكـر بويــــا .امــــا .الي مد يتلهم وعــــــدي
كيفـاش راح نديـر شكـون عليا يدبر واش نــردلهـــم واش نخـــــلي لــــولادي
خـــــايف يموتـــــو والــــد يا وتطفر لتما يا سمـــا ارعدي و يا الشمس بعدي
بعد يني يا الدمـعة .بعـدني يا الزهر خلوني غير وحدي نبكـــي على سعدي
على شــــط البحر ونـــرمي فلحجر وحجرة منهــــــم شــــايدها في يـــــــدي
حجرة عزيــــزة ما لازمـــش تتبحر تمتل بالنســـبة لي ذ كـــريات الماضي
دروك وعلاش رانـــي قاعد نهدر والهدرة فالحق مـــــا تجيب مــــــــا تدي
علاش ماشي خير نسمــي ونستغفر والي كتبــــو ربي بيـــه رانـــي راضــــي
نحطها في جيبــي ولو حـتى نخسـر ماني رايـــح نخســر غير الد نيــا هـــادي
والشـــدة فالله هو مفتـــاح الصــــبر نشـــــد غـــير فيه وغـــــير ليـــه انـــادي
سبحـــــــانو وحدو هو الـــي قـــادر فـــــي رمشــــت عيـــن يرد كلشـي عـادي
والـــي ظلمنــــي و دار فيــا الشـر يعـــــيى يتهرب فـــــــالد نيـا هــــــــــاذي
ياك نتلاقاو في عـــــــالم وحدا خر و كيـــما عذ بنـــــي راح نعذبــــو بيــــدي
امــــا والديا نكـــــافيـــــهم بــــالبر والخـــــارج مـالد نيا واش رايـــــــح يـدي
الا فعــــــــــل الخيـــر ويقــــول نكبر ذرية صــالحة تدعيـلــــي مـن بعــــــــدي
وبالــنسبة لـــولادي راه كــــل شبـر قـــال ربي سبحانو راهـــم في حفضــي
مـــا من دابـــــة في الارض والـبحر الا وقـــــــــــال راه رزقــــــــها عـــــــندي
ربي سبحــــانو يحب الـــــــي يصبر ومـــــا يكلفك يــــــا نفس الا مـــــــا تقدي
عندو كل شـي مقضـــي ومقدر وقـــــــــــال انا لست ظلاّم لعبـــــــــــــادي
فوق هاذ الكلمة مــــــانزيد سطـــر الا و نخـــــــــــتم وبـــــــــاسمي نمضـــي
فيصل كرشوش يحمــــــــد او يشكر ويصـــــــلي ويسلم على النبــــي المحمدي
|
|
|||||||||
Ce site web a été créé gratuitement avec Ma-page.fr. Tu veux aussi ton propre site web ?
